India-Bangladesh thlunzawmna lei dawh ṭan

India-Bangladesh thlun-zawmna tur lei chuTripura-a Feni lui-ah dawh ṭan a ni. He lei hmang hian khawl lian tak tak leh bungraw chi hrang hrang India hmarchhak leh hmun dang aṭang tein ṭhenawm ram Bangladesh-ah hian thawn ṭhin a ni ang.

He lei hi Tripura-a Chittagong port aṭanga km 72-a hla Sabroom-ah dawh a ni dawn a, peih fel a nih hun chuan hmarchhak state chuan nasa takin an chhawr
ṭangkai thei dawn a ni. He lei dawhna tura lungphum chu Prime Minister Narendra Modi leh Bangladesh Premier Sheikh Hassina ten an lo phum tawh a, double-lane-a siam tur niin, kum hnih leh a chanve chhunga zawh hman tura ruahman a ni. Tripura PWD minister Badal Choudhury chuan, India leh Bangladesh senior official te chuan tunhnai khan Sabroom (India) leh Ramgarh (Bangladesh) te hi an tlawh tih sawiin, hnathawh dan tur te an endik a ni, a ti. Lei dawhna atan hian cheng vaibelchhe 94 ruahman a ni a, ram pahnih mai bakah South Asia ram te tan a ṭangkai hle tura ngaih a ni tiin Choudhury chuan a sawi.

Prime Minister Narendra Modi chuan kum kalta khan Bangladesh hi tlawhin lei dawh a nih theih nan hian inremna an siam a, India chuan Chittagong sea port leh Mongla river port te chu bungraw thawnkual vel nan hian hman a remti bawk a ni. Inremnaah chuan Northeast Frontier Railway chuan Bang-ladesh-a Akhaurah railway station pawh turin Sabroom thleng hian broad gauge tracks a siam dawn a ni. Myanmar, Bangladesh, Nepal leh China
aṭanga India pawh tura kawngpui siam hi a hautak hle a, hmun chhengchhia leh tlangram te a nih avangin tuna hmalakna pawh hi a awlsam dawn lo. Hetih lai hian Food Corporation of India chuan kum kalta chhung khan Ashuganj river ports, Tripura aṭang hian Rice tonne 35,000 chuang chu TVisakhapatnam port leh Kolkata port te kaltlangin Bangladesh-ah hian a lo thawn chhuak tawh a ni. He lei hi dawh zawh a nih hunah chuan bungrua leh thildang te awlsam zawkin thawn chhuah a ni thei tawh dawn a ni.