Achyut Lahkar vui liam a ni

Father of Assamese Mobile Theatre, Achyut Lahkar chu Pathianni khan a chenna Pathsala-ah a boral. Achyut Lahkar hi a thih hian kum 85 mi a ni a, amah hi playwright, actor leh dramatist niin mitam tak chuan a thih thu an hriat velah hian a chenna hmun hui an pan khawm a, amah zahna lantirin an uithu an tarlang a ni.

Kum 1963 khan ama pualin 'Natraj Theatre' chu Pathsala-ah a din a, a larpui hle a ni. Theatre a din hma kum 1952 chho velah Assamese illustrated magazine 'Deepawali' chu a enkawl
ṭhin a ni. Kum 1997 khan culture lama a thawh hlawk em avangin Kamal Kumari National Award hlan a ni a, Bhaben Barua Award, Mancha Prabhakar Award leh Braja Nath Sarma Award te pawh a lo dawng tawh.

Achyut Lahkar hi khua leh tui tana a hna thawh ṭhat avang tein zah a hlawh hle a, mi tam tak chu amah thlahnaah hian pungkhawmin, sorkar mipawimawh ṭhahnem tak an tel a ni. Assam Assembly Speaker Ranjit Das pawh Achyut Lahkar vuina hun hmang tur hian Pathsala a pan a, a ruang chungah zahna a lantir ve bawk. State sorkar chuan Lahkar hi mi ropui bikte chawimawina famkim nen a vuai liam a ni. Assam Governor PB Acharya, Chief Minister Sarbananda Sonowal, chief minister hlui Tarun Gogoi, minister, film leh theatre ngainatu mi eng emaw zat a vuinaah hian an tel a ni.