Kum tlinglo chhawr luitute chu hremna pek an ni ang: Lyngdoh

Meghalaya Labour Minister, Ampareen Lyngdoh chuan naupang kum tling lote hna thawh lui tirtute chu state sorkar chu na takin a hrem zel dawn tih a sawi.

Anti-Child Labour Day chu Zirtawpni khan Shillong-ah hman a ni a, he hun hi Labour Minister, Ampareen Lyngdoh chuan hman-puiin, naupangte nen inkawm khawmna hun an nei. Maghalaya-ah hian naupang kum 14 hnuai lam reitheihna avang te, tih luihna avangtein mi eng emaw zat chu hna thawka chhawr mek an nih thu sawiin, he mi tireh tur hian state sorkar chuan hma a la mek a ni, a ti.

Lyngdoh chuan naupangte dikna leh chanvo humhalh tura ṭanrual a ngaih thu sawiin, ti luite man chhuah leh hrem kawngah nasa zawka hma lak mek a ni a ti bawk. Labour Minister chuan heng naupang harsatna tawk mek te hi chhan chhuak turin sorkar chuan ke a pen mek a, Child Rights Movement (CRM) leh North Eastern Regional Domestic Workers Movement (NERDWM) te nen ṭangkawpin an thawk mek a ni, a ti.