Tripura : Ropeway thar pali siam tura hmalakna ṭan

Union Minister of State for Road Transport and Highway, Harsh Malhotra chuan Tripura chhunga ropeway thar pali siam turin hmalak mek a nih thu Tripura chief minister hlui leh Rajya Sabha MP ni mek Biplab Kumar Deb a hrilh.

Union Minister chuan ropeway siam an tumna hi a him em tih zirchianna kalpui mek a ni tih a sawi bawk. Maharani aṭanga Chhabimurra inkara ropeway siamin a nghawng tur leh a ṭangkai dan tur zirchian mek a nih thu sawiin, he zirchianna in ropeway siam chu ṭhaa a hriat chuan project chu kaltlangpui tur a nih thu a sawi.

Malhotra chuan Udaipur Railway Station aṭanga Matabari (Tripura Sundari Mandir), Surmacherra (Kamalpur) leh Jampui Hills (Kanchnapur) ahte ropeway siam tumna a awm tih tarlang bawk, mahse heng project pathum atana hmalakna erawh a la kal thui lo thung. Zirchianna pawh a bulṭan chauh niin an thutlukna a zir hian project-in a nghawng tur leh a ṭangkai dan tur zirchianna kalpui leh a ni dawn tih a tarlang tel bawk.