Assam-in HSCL syllabus 30% in titlem dawn

2nd September, 2020

Hripui leng avanga hun rei tak zirna chhunzawm mumal theih loha a awm avangin, Assam-a Board of Secondary Education (SEBA) chuan kum 2021-a High School Leaving Certificate (or 10th) exam neih turah syllabus 30% in a titlem dawn.

State board hnuaia school awmte chu PDF format-in syllabus thar hi pek vek an ni ang. SEBA hian a hmain Class 9 zirlai chu 30% in a lo titlem tawh bawk a ni. Assam Higher Secondary Education Council (AHSEC) pawhin higher secondary zirlaite tan syllabus 30% in a tihtlem sak tawh bawk.