Manipur-a hri kai hmuh thar 97-ten tualchhung aṭangin kai

Manipur-a hri kai hmuh chhuah thar zinga mi 90 chu hmun danga zin chhuahna nei lo a, tualchhung aṭanga kai an ni. 

Thawhṭanni khan sample 2,987 test zingah 140 an positive a, an zingah hian hmun dang aṭanga haw, Central Armed Police Force (CAPF) 27 an tel. 

Civil mi hri kai hmuh thar zinga mi 97 (mipa 82 leh hmeichhia 21)-te chu hmun danga zin chhuahna nei lo, tualchhung aṭanga kai an nih thu Covid-19 Common Control Room chuan a tarlang. 

Manipur-ah hian hri kai hmuh tawh mi 6,252 an awm tawh a, 4,330 enkawl dam an ni tawh. Hri kai mek mi 1,894 zingah security force mi leh sa 765 an la awm tel a ni.