Sikkim : Minute 7 chhung lirthei tlan titawp

Sikkim chief minister Prem Singh Tamang-a'n kum 2019 a bul a ṭan, 'A Day for Mother Earth' chu nimin khan hman leh niin, hemi pual hian chawhma dar 11:00 aṭanga 11:07 am inkarah lirthei tlan lai tihtawp a ni.

He hmalakna hi ramngaw humhalh a pawimawhzia inzirtirna a nih bakah sik leh sa inthlak danglam zel do let a pawimawh zia inzirtir nana tih a ni. Traffic police-te pawh mipuiten hemi hunchhung hian lirthei an dintir theih nan thupek kengkawh tura hriattir an ni bawk. Hemi hun chhunga lirthei tih din hian ṭul bik thil erawh a huamtel lo thung.

He hmalakna hi mihring chetvelnain rawmngaw leh nungcha a nghawng dan tarlanna tura ruahmanna niin, Sikkim CM Prem Singh Tamang chuan kum 2019 khan a tlangzarh a, hemi hnu hian kumtin 'A Day for Mother Earth' hi huaihawt a ni ṭhin a ni.