Meghalaya-a khaw 19 African Swine Fever epicentre-ah puang

Meghalaya-a thingtlang khaw 19-ah vawk enge emaw zat a thih avangin heng khuate hi African Swine Fever epicentre-ah puan a ni.

Heng khuate hi East Khasi Hills, West Khasi Hills, East Jaintia Hills leh West Jaintia Hills district-a mite an ni a, state sorkar chuan heng khua aṭanga vawk lak a khap bakah, mihring tei vel pawh a khap tel bawk. 

Sorkarin hriattirna a tihchhuahah, epicentre-a puan khuaa vawk in leh vawk farm-a hmanruate chu hmun dangah lakchhuah khap a ni a, vawk vulhtute pawh an vawk inte thianghlim taka enkawl tur leh, an farm-ah midang luh phalsak lo turin a hriattir. Vawk pul hri lenna hmun aṭanga motor kalchhuah tur pawh damdawi hmanga kah thianghlim hmasak vek tura tih an ni. 

Assam Swine Fever vang hian kumin February thla aṭang khan Assam leh Arunachal Pradesh-ah vawk 17,000 chuang an thi tawh.