Hmar Chhak mite himna tura atana Rawtnate tih hlawhtlin tum a ni - Rajnath Singh

Hmar Chhak mite an himna tur ngaihtuah tura din MP Bezbaruah Committee report chu tihhlawhtlin a nih theihna atan theihtawpa bawhzui nghal a nih thu Home minister Rajnath Singh chuan a sawi.

Ministry of Home Affairs had February 2014 khan MP Bezbaruah kaihhruaina hnuaiah committee dinin, Hmar Chhak mipuite India ram state hrang hranga an him theihna tur ngaihtuah tur tih an ni.

MP Bezbaruah Committee committee chuan Hmar Chhak bial mite en hran an nih loh nan Indian Penal Code (IPC) a dan ding lai siam ṭhat a, Chinki tih emaw, Chinese ti emawa hmar chhak bial mite chhaih chingte chu kum nga lung ina tantir theiha siam a rawt.

Hemi chungchangah hian Rajnath Singh chuan IPC chu ennawn Home Ministry-in ennawn rem a tih thu a sawi.

Hmar Chhak mite'n harsatna an tawh a, dan lama rawn tur an neih theihna atan Delhi State Legal Service Authority chuan lawyers pasarih awmna an din thu sawiin Home Minister chuan, "Anni hian Hmar Chhak mi dan lama puih ngaite an pui thei dawn a ni," a ti.

Rajnath Singh chuan MP Bezbaruah Commit­tee-in rawtna a thlen dang­­te pawh tihhlawhtlin tum zel a nih thu sawiin, "Police tih tur atana an rawtna hrang hrangte pawh a rang lama tihhlawhtlin tura pawm a ni," a ti.