AP CM zirtirtu-ah ṭang

Arunachal Pradesh Chief Minister Kalikho Pul chu Itanagar-ah zirlai naupangte hnenah ram hmangaihna chung-changah zirtirna a pe.

Arunachal Pradesh School Education & Lite-racy Deparment leh Ministry of Human Resource Development, Govt of India hmalaknain AP-ah Vidyanjali Prog-ramme hawn a ni ta.

Vidyanjali Prog-ramme hawnnaah hian AP CM Kalikho Pul chuan Government Middle School, Itanagar-ah zirlai naupangte ram hmangaihna chungchang-ah zirtirna a pe a ni. Dar-kar khat leh a chanve vel chhung hian ‘love for your country’ tih thupui hmangin zirtirna hi a pe a, nuam a tih thu a sawi bawk.

CM chuan zirlaite fuihna thu sawiin, thiam-na tak tak nei tur chuan taihmakna a ngai a ni a ti a, competition level a san zel avangin tih tak taka zirna chu beih a ngaih thu a sawi. Zirlaite chu invawng fel tur leh ruihhlo laka fihlim turin a ngen a, an nun chu thianghlim taka hmang turin a chah bawk. Suangtuahna te tihlawhtling turin thawhrimna a ngai a, eng kawng pawh zawh dawn ila tih tak takna a ngai a ni, a ti. Sorkar hna chu mi zawng zawng tan thawh theih a nih loh thu sawiin, games & sport, handloom & handicraft leh music te chu tunlai khawvelah eizawnna tling a ni tiin a sawi.

Chief Minister chuan Itanagar Government Middle School head-master hnenah school building sak ṭhatna tura proposal siam turin thurawn a pe a, a theih anga ṭanpui a inhuam thu a hrilh. School boundary wall, step, toilet, furniture leh a dangte chu thawm-
ṭhat ngai tawh hle tih sawi-in, state sorkar chuan education, health, police, law & order PDS sectors te chu a ngai pawimawh hle a ni, a ti bawk.

CM hi Education Minister Wanglin Lo-wangdong, Adviser to CM K D Singh, Secretary Educa-tion Bidol Tayeng leh Education department officer ten an ṭawiawm a ni.