Tripura pol party ten IPFT ngenna hnawl sak

Tripura-a political party hrang hrangte chuan Indigenous People’s Front of Twipra (IPFT) ten state pek an phutna chu an hnawl sak.

IPFT hi tribal-based party niin, ‘Twipra land’ lak hran tuma bei mektu an ni. CPI-M state Committee Secretary Bijan Dhar chuan Thawṭanni khan party hrang hrangte chuan meeting an nei tih a sawi a, IPFT te thil phut chu ngun taka ngaihtuah a nih hnuah hnawl a ni ta a ni, a ti. IPFT te hi state pek an nih chuan kawng tam takah harsatna a awm thei tih sawiin, inṭhendarhna thlen thei thil a nih thu a sawi. IPFT te hian Twipra land chu Tripura state te zawkah siam an tum a ni.

Hetih lai hian IPFT te chuan state pek an nih theih nan kawng hrang hranga sorkar nawr an tum thu leh, a hmasa ber atan June 22 khian darkar 24 chhung Assam-Agartala National Highway chu dan an tum thu an sawi. IPFT te hian Tripura Tribal Areas Autonomous District Council (TTAADC) aṭanga indan an duh a ni. CPI-M hruaitu chuan IPFT te thil phut chuan tribal leh non-tribal inkarah boruak duhawm lo zawk a thlen thei a nim, a ti.

BJP thupuangtu Mrinal K Deb chuan, “Tripura State te zawk din chu kan dodal lo a, nimahsela Indigenous People’s Front of Twipra te thil phut hi tihhlawhtlin a nih chuan tribal leh non-tribal te inkarah ramri a siam thei a ni" a ti ve bawk.