HC-in Wildlife Protection Act siam ṭha turin hriattir

Gauhati High Court chuan Assam state sorkar hnenah Wildlife Protection Act hmanlai chu siam ṭha turin hriat-tirna a pe. Wildlife Pro-tection Act hi siamṭhat a nih chuan police ten thuneihna tam zawk an nei thei dawn a ni.

Court chuan wildlife crime pung chak lutuk veng turin state sorkar chu Wildlife Protection Act, 1971-a Section 55-in police te thuneihna a pek chu hman a nih ve theih nan hriattirna hi a chhuah a ni. Section 55-in thuneihna a pekah chuan police te chuan wildlife crime kaihhnawihah hian investigation an ti thei a, case an ziak lut thei bawk a ni.

Tuna Assam state sorkar-in a hman laiah chuan designated Forest official te chauhin case an file thei a ni. Tuna dan hman laiah hian sa peltute chuan dan angin silai leh a mu an lei thei a, hei hian sapeltute a titlangnel hle nia hriat a ni. Tun hnaia Kaziranga National Park-a sapel-tuten samak an kah fo avanga he dan hman lai Wildlife Protection Act hi siam ṭha tura tih a nih rin a ni.