Meghalaya-ah Central agri varsity din dawn

Union Agriculture Minister Radha Mohan Singh chuan nimin khan Meghalay-a Ri-Bhoi district Umiam-ah Central Agriculture University din a nih tur thu a sawi.

Union Minister hi nimin khan journalist te nen video conference hmangin an inkawm a, Singh chuan University hi din thuai a nih tur thu a sawi a ni. Umiam-ah hian Central Agriculture University, Imphal hnuaia post-graduate zirna a awm a, kum 2007 khan din a ni. Singh chuan post-graduate zirnaah hian agriculture kaihhnawih genetic and plant seeding, soil science, entomology, pathology leh a dangte zirna a awm mek tih a sawi bawk. Sorkar laipui chuan organic farming lamah nasa takin hma a la mek tih sawiin, a bik takin hmarchhak state te chu ngaihpawimawh an ni, a ti.