Meghalaya-a Bus chesulah mi 30-in nunna an chan

East Jaintia Hills district, Sonapur-ah Thawhlehni zan khan Bus a chesual a, mi 30 an thih bakah mi pakua an hliam. Chetsualna thlenna hmun hi Shillong aṭanga km 150 vel a ni a, bus hi feet 500 vela thui a lum a ni. Bus hi mimal ta niin, Silchar-Guwahati via Meghalaya-a tlan a ni.

Meghalaya police chuan ruang lak chhuah leh hliam tuar bawihsawm hna an thawk nghal a, hliam tuarte hi an dinhmun a ṭha vak lo tih an sawi. East Jaintia Hills district police chief Spill Thamar chuan, “Hliam tur mi pakua te hi lak chhuah an ni tawh a, Damdawi-in panpui an ni tawh, ruang lak chhuah hna hi thawh mek a ni a, khua a ṭhat loh bakah a hmun hi a awih em avangin ruang lak chhuah hna thawh hi thawh chak theih a ni lo" a ti.

Hliam te hi NEIGRIMS leh Jowai Civil hospital-ah te dah luh an ni. Prime Minister Narendra Modi chuan tweeter kal tlangin vanduaina thleng chu pawi a tih thu sawiin, thi chhungte a tawrhpui tak zet thu a tarlang.