Sahuan a dah tur ramsa inthleng dawn

Thiruvananthapuram sahuan leh Nagaland sahuan ten ramsa an in­thlengtawn dawn. Thiruvananthapuram sahuan hian Nagaland aṭangin Himalayan savawm pa­hnih an dawng anga, an sakei pahnih te Nagaland sahuan an pe ve thung ang.

Thiruvananthapuran sahuan hian Himalayan bear pakhat chauh an neih tawh avangin Nagaland nen hian an ramsa te inthleng zai an rel a ni. Thiruvananthapuram sahuan thuneitute sawi danin an sakei te chu Nagaland ah phur thleng hmasain, an dahna bawm ngaiah bawk Himalayan Savawm te hi an phur let ang.

"Sakei te hi an pianzia ah insual mai inpeih reng an ni a, sakei pahnih te bawm khat a kan dah dun chuan an insual a hlauh­awm avangin buaina pumpelh a nih theih nan a hrangin kan dah dawn a ni," thuneitute chuan a ti. Tunah hian Thiruvananthapuram sahuan ah hian sakei 8 a awm mek a ni.

Nakin zela ramsa dang­te pawh inthleng a nih theih nan Central Zoo Authority kaltlangin state pahnih te hian rua­hmanna an siam bawk a ni.