Air India thlawhna te service pek tum Tripura-in a hnawl

Tripura sorkar chuan Agartala leh Kolkata inkara thlawhna te chi Air India aṭanga service phalsak tura ngenna chu a hnawl.

Transport department-a senior officer chuan state sorkarin he ngenna a hnawl chhan chu rikrum thilthuah Air India-in zangnadawmna pek a beisei chu sorkar-in a tihlawhtlin theih dawn loh vang a ni, a ti.

Senior officer chuan, "ATR aircraft te hi kum hnih kalta khan chhan mumal awm lovin Air India hian min tihtawpsak tawh a ni. Chumi piah lamah passenger ten thlawhna te leh hlui taka chuan hi an duh loa, sorkar chuan ATR aircraft te hi himna ngaih pawimawh vang zawkin Agartala service atan an duh tawhlo bawk a ni," a ti.

Boeing aircraft passenger 180 leng pahnih chu Agartala-Kolkata leh Agartala-Delhi via Guwahati atan state-in a mamawh takzet tih officer hian sawiin, thlawhna lian chi in pek ahneka thlawhna te, state sorkar kuta mawhphurhna awm pumhlum tur a pek a tumna hi pawmthiam har a tih thu a sawi bawk a ni.