Assam CM-in Kushal Konwar House chei ṭhat a tiam

Assam Chief Minister Sarbananda Sonowal chuan Nilaini khan ram leh hnam tana martar Swahid Kushal Konwar-a zalhna hmun chu chei ṭhat a nih tur thu leh a panna kawng pawh siam ṭhat a nih tur thu a sawi.

Guwahati-a Nehru Park-ah Nilaini khan Swahid Kushal Konwar thih champha pualin inkhawm buatsaih a ni a, he huna thu sawitu Sonowal chuan, "Swahid Kushal Konwar hi India ram tana zalenna sualtu a ni a, a hnathawh leh ram tana nun hial a hlan ngam hi a roupi tak zet a ni. Vawiinah hian amah awm tawh lo mah se zahna kan lantir a ngai tak zet a, chu chu kan tih makmawh a ni" a ti. State sorkar chuan Kushal Konwar House chu hmun pawimawh bikah a ngai a, hei hian nakin thlengin hmun laili a chang reng bawk ang, a ti.