China-in AP-ah an sipaite an lut lo tih a sawi

China sorkar chuan Nilaini khan India nena a inri-na Arunachal Pradesh ram chhungah an sipaite an lut nia sawi chu thu dik lo a nih thu a sawi.

Chinese Foreign Ministry thupuangtu, Lu Kang chuan hemi chung-chang hi Beijing-a media mite hmaah a sawifiah a, China sipai People's Liberation Amry-te hi India nena inri-na, Line of Actual Control-a China ram lamah dan pangngaiin patrol an nei a ni, a ti.

Lu Kang chuan Arunachal Pradesh khawchhak lam, East Kameng district-ah China sipai 250 a lut nia sawi chu thu dik lo a nih thu a sawi a, China ram chin an pel lo tih a sawi.

Ram pahnihte hian ramri-a sipaite duty danah hian hun rei tak buaina an lo tawk fo tawh a, India-in ramri chungchanga buaina awm ṭhin pumpelh a nih theih nana LAC km 3,488-a thui-a chhinchhiahna siam a rawt chu Chian hian a la chhang lo a ni.