Kaziranga Park director suspend a ni

Assam-a Kaziranga National Park director M Ali chu a hna hlen chhuak zo loah puh a ni a, a hna aṭangin suspend a ni.

M Ali hi tun hnaia KNP-a sapeltuten samak an pel chungchangah a hna thawk ṭha tawk loah puh a ni. State Forest Minister Promila Rani Brahma'n chuan June 7 khan he hmun hi a tlawh a, hnathawktute nen meeting neiin hmalak dan tur te an sawiho a ni.

Director M Ali hi sapeltuten aamak an kahhlum hnua a ki an rukbo dan chungchangmipui hriata puangzar lo turin local TV channel te a vau nia puh a ni bawk. State Forest Minister Promila Rani Brahma chuan, KNP director M Ali suspend a nih thu hi sawiin, hnathawktute chu rinawm taka thawk tura a duh thu a sawi.

Brahma hian KNP a tlawh ṭum hian, media ten mipui hriata an puanzar hi a dik ngei em tih fiah tuma samak kahhlumna hmun kal a duh thu hi director hnenah hian a hrilh a, mahse M Ali hian chuanlam siamin samak kahhlum a awm loh thu a hrilh tih a sawi. M Ali chetdan hi chhui chian a ni dawn tih minister chuan sawiin, Agoratoli Range-a range officer Salim Ahmed pawh sawn chhuah a nih thu a sawi bawk.