Arunachal-Assam ramri-ah civilian movement khap a ni

Arunachal Pradesh leh Assam ramri-a Army leh paramilitary force te'n National Democratic Front of Bodoland (NDFB-S) helte dapchhuah hna an thawh mek avangin Arunachal Pradesh chuan civilian movement huaihawt a khap.

NDFB (S) helte hian nikum December 23 khan Arunachal-Assam ramri-ah mi 83 an that a ni.

Arunachal Home Minister Tanga Byaling chuan principal home secretary chu district thuneitute hnenah Assam ramria mipui punkhawm neih khap tura hriattir turin a hrilh a, district DC leh SP te chu khauh taka sorkar thupek lekkawh tura hriattir nghal an ni.

Mipui punkhawm khap a nih bakah hian phalna nei a silai kawlte chu silai lekchhuak lo tura hriattir an nih bakah chetsualna venthawn thilah ramvah khap a ni bawk.

Home Minister Byaling chuan phalna nei loa an state chhunga awmte thawn­chhuahna chungchangah inner line permit nei lo endik hna chu khauh taka kalpui mek a ni, a ti a, phalna nei lote chu dan angin an chunga action lak a nih tur thu a sawi.