Central Minister te'n Hmarchhak bial fangkual dawn

Central ministry hrang hrangin hmarchhak biala hmasawnna project an kalpui mekte a hmuna enpui turin DoNER ministry chuan central minister te hmarchhak state pariat a fankual tir dawn.

DoNER Minister Jitendra Singh chuan he thu hi Thawhlehni khan Manipur health minister P Tonsing nen an inkawmnaah a sawi a, January thla hian tour hi ṭan nghal tur a ni.

Manipur Minister Tonsing chuan Chief Minister Ibobi Singh-a'n DoNER Minister Singh lehkha a thawn a pe nghal a, lehkha thawn hi North Eastern Council (NEC) kal­tlanga Imphal International Airport bula 3–star hotel siam dilna a ni.

DoNER Minister Singh chuan hmarchhak bial hmasawnna chu an ngaihpawimawh thu sawiin, hun lo la awm turah hmarchhak biala tourism tihchangtlun chu an thil ngaihpawimawh hmasak a nih thu a sawi bawk.

Singh chuan hmarchhak bial tourism tihchangtlun nan Delhi-ah kûtpui, “Focus North–East” tih huaihawt an tum thu a sawi bawk.