NPF-in a MLA 7 party aṭangin a suspend

Nagaland Chief Minister TR Zeliang laka lungawi lo Naga People's Front (NPF) MLA pasarih chu party president Dr Shürhozelie Lieziet­su-a'n party aṭangin a suspend.

NPF MLA pasarih suspend te hi- Industries and Commerce Ministers G Kaito Aye leh Roads and Bridges Minister Kuzholuzo Azo Nienu bakah parliamentary secretary panga - Zhaleo Rio, Pukhayi, Pohwang Konyak, Shetoyi leh Tovihoto Ayemi te an ni a, NPF kaihhruai DAN III sorkara, NPF thlawptu, Independent MLA pakhat, Thomas Ngullie pawh parliamentary secretary a nihna aṭanga suspend a ni bawk.

NPF MLA 38 zinga 20 chuan tun hnai khan hruaitu thlak tumin Dimapur-ah meeting an nei a, Minister G Kaito Aye chu NPF Legislature Party hruaitu atanthlangin, sorkar thar siam dan turte an rel a ni.

Minister pahnih leh parliamentary secretary te hi an hna aṭangin Chief Minister Zeliang-a'n a chawlhtir bakah NPF MLA pasarihte hi party aṭangin suspend an ni bawk.

May 2014 Lok Sabha inthlana Chief Minister Neiphiu Rio thlantlin a nih hnuah tuna Chief Minister T R Zeliang hi NPF Legislature Party hruaitu atan lungrual taka thlan a ni.