Manipur-ah hel 2 kahhlum an ni

9th January, 2015

Manipur, Bishenpur district-a hel leh police te inkahnaah police te chuan Thawhlehni khan United Revolutionary Front (URF) hel nia rin pahnih an kaphlum.

Police te chuan an thudawn bawhzuiin, Kwakta Khuman hmunah hel dapchhuah beihpui an thlak a, hel ho chuan police te hi lo kapletin, an inkahnaah hel pahnihte hi an kaphlum a ni.

Bishenpur district Superintendent of Police Ningthoujam Herojit Singh chuan hel ho hian police te chu an lo kap hmasa niin a sawi a, police te chuan silai puak hi chhanglet nghalin an inkah tawpa a hmun an enfiahnaah police te'n hel pahnih ruang an chhar thu a sawi.

Police te chuan hel an kahhlum te hnen aṭangin 9mm pistol pahnih leh vawmpauh bomb pakhat an man tel bawk.

Hel pahnih thite hi United Revolutionary Front (URF) hel an ni tih finfiah tawh a ni bawk.

Bishenpur SP Singh chuan hel pahnihte hi December 15 leh 21-a Imphal-a bomb puak, mi pali thihnaah inhnamhnawih nisin a sawi.