NIA hotuin Kokrajhar a tlawh

Assam tlawha thang mek National Investigation Agency (NIA) Director General Sharad Kumar chuan Ningani khan Kokrajhar district a tlawh a, National Democratic Front of Bodoland (NDFB-S) helte pawikhawihna avanga nikum December 23-a mi 80 chuang thihna thubuai chhuichian mek a enpui.

NIA Director General Kumar chuan helte pawikhawihna hmun Lungsung leh Ultapani a tlawh bawk a, NIA Inspector General GP Singh, Inspector General of Police BTAD LR Bisnoi leh Kokrajhar Superintendent of Police Sunil Kumar te'n an ṭawiawm a ni.

Sharad Kumar chuan Kokrajhar district police hotute a kawm bakah Salabari relief camp a tlawh bawk a, camp a awmte kawmin, rorelna dik hlenchhuah a nih tur thu a tiam a ni.

NIA hian NDFB-S helte pawikhawihna thubuai pahnih- Kokrajhar Police Station Case No- 557/2014 leh 558/2014 te a chhui mek a ni.