DoNER Secy-in Manipur a tlawh

Ministry for Development of North Eastern Region (DoNER) secretary R Vijay Kumar chuan Ningani khan Manipur tlawhin Lamphelpat, Imphal-a Regional Centre of Organic Farming a tlawh.

DoNER secretary Kumar chuan North Eastern Council (NEC) leh International Fund for Agricultural Development (IFAD) hmalakna hnuaia thingtlang mite dinhmun siamṭhatna project, North Eastern Region Community Resource Management Project (NERCORMP) kalpui mek chu a thawh hnihnaah Nagaland-ah pawh kalpui a nih tur thu thuthar thehdarhtute hmaah a sawi.

Kumar chuan chuan hmarchhak biala thingtlang mite dinhmun chawikan nan NERCORMP bakah World Bank bul tumin North East Rural Livelihoods project pawh kalpui a nih tur thu a sawi bawk a, Manipur-a NERCORMP kalpui mek chu tihlen a duh thu a sawi bawk.

Sorkar laipuiin hmarchhak biala organic farming tihchangtlunna atana cheng vaibelchhe 100 a ruahman vangin Kumar chuan hmarchhak biala organic tihchangtlun theih dan tur enfiahin Manipur a tlawh a ni.