Sixth Schedule chungchangah CM-in meeting a ko

Meghalaya Chief Minister Mukul Sangma chuan India danpuia Sixth Schedule amend an rawt chungchangah January 16 hian all political party meeting a ko. Meeting hi Chief Minister Mukul-a'n a kaihruai ang a, MLA te pawh tel tura beisei an ni.

Meghalaya sorkar chuan Garo Hills, Khasi leh Jaintia Hills Autonomous District Councils (ADC)-a seat awmzat chu tihpun tumin sorkar laipui chu Sixth Schedule siamṭha turin a ngen a, hei vang hian Thawhlehni khan kumin August 18-a a term tawp tur, Garo Hills Autonomous District Council (GHADC) term pawh thla ruk chhung a pawtsei a ni.

Chief Minister Mukul chuan sorkar laipuiin Parliament budget session neih hunah Sixth Schedule hi siamṭhat a tum niin a lo sawi tawh a, hemi atan hian state sorkar chuan theihtawp chhuahin hma a la mek a ni, a ti.