Damlo zingah Covid-19 kai awm vangin NEIGRIHMS general surgery ward khar

North Eastern Indira Gandhi Regional Institute of Health and Medical Sciences (NEIGRIHMS), Shillong-ah hmeichhia pakhat zai tur chu Covid-19 a kai tih hriat a nih avangin Genera Surgery Ward chu Inrinni liam ta aṭang khan khar a ni. 

NEIGRIHMS public relations officer-in thuchhuah a siamah, hospital-a generel survery depart­ment bik chu thu leh a awm hma chuan khar a ni dawn tih a sawiin, department dang chu dan pangngaiin a kal chhunzawm thung ang. 

Dam lo hri kai hmuh hi July thla khan a hnuteah bawk a awm avangin zai turin general surgery ward-ah dah a ni a, Covid-19 test pawh neih sakin a negative a ni. Mahse kar liam ta Zirtawpni khan test hi neih nawn leh niin a positive tih hriat a ni. Hemi zan vek hian Shillong Civil Hospital-ah Covid-19 kai pakhat chu a thi a, an state-ah hripui vanga thi hi mi pasarih an awm tawh. Hri kai enkawl mek hi mi 1,035 awmin, enkawl dam tawh mi  769 an awm bawk.