Nagaland doctor beih a nih chungchang chhui dawn

Deputy Commissioner (DC) Dimapur, R. Soundararajan chuan August 21 zana Indian Reserve Batallion (IRB) miin doctor pakhat a lo bei nia sawi chungchang independent inquiry nei turin thupek a tichhuak. 

Nagaland In-service Doctors Association chuan an member pui, pathalogist leh Chumoukedima TrueNat Lab-a in charge, Dr atoka Wotsa chu kar liam ta Zirtawpni zana quarantine quarters pana a haw chu IRB sipai hian a lo bei niin an sawi a ni.  

He thleng avanga an lungawi loh thu sawiin, hripui leng meka frontline workerin beih a tawh chungchanga hi rang taka chhui chiang tur leh, pawikhawihtu hi hremna pe ngei tura an phut thu an sawi. 

Dimapur DC chuan doctor chunga thil thleng chungchang hi chhui turin SDO(C) Sadar N. Zubenthung Ngullie chu a ruat a, August 25-ah report thehlut turin a ti a ni.