Meghalaya leh Bangladesh-in inbiakna nei dawn

Meghalaya leh Bangladesh inri-na district hrang hranga deputy commissioner te chuan vawiin aṭangin Shillong-ah ni hnih awh meeting an ṭan dawn.

Meeting-ah hian Bangladesh district paruk- Netrokona, Sunamganj, Sherpur, Mymensing, Sylhet leh Kurigram-a deputy commissioner te chu an tel beisei an ni a, Meghalaya-a Bangladesh ramri district zawng zawng deputy commissioner te pawh an tel theih beisei an ni bawk.

Meeting-ah hian district DC te bakah SP te pawh an tel dawn a, an ni bakah hian Border Security Force (BSF) leh Border Guard Bangladesh (BGB) official te pawh an tel bawk ang. Meeting-ah hian Meghalaya lam hian ramri hung tur chungchang an ngaihpawimawh rin a ni a, ram pahnih thuneitute chuan ramri la hung zawh lohte peihfel dan tur ngaihtuah dun tumin hma an lo la tawh a ni.

Bangladesh lam pawhin meeting-ah hian hmarchhak bial aṭanga an rama helpawl lutru ṭhinte chung­chang a sawichhuah rin a ni bawk.

Meeting-a thurelte leh thu­tluknate chu a taka kalpui a nih theih nan Union Ministry of Home Affairs-a thlen tum a ni bawk.