Manipur-ah hri vanga thi 22 awm tawh

Manipur-ah Inrinni liam ta khan Covid-19 vangin mi pahnih an thih belh leh a, an state-a hripui vanga thi hi mi 22 an awm tawh a ni.

Hripui vanga thite kum 34 mi, police leh hmeichhe kum 70 mi an ni. Hetih lai hian hri kai enkawl mi 194 an awm belh leh a, hri kai dam tawh, recovery rate hi 67.32% a ni tawh. 

Hri kai hmuh thar mi 83 zingah Central Armed Police Force (CAPF) mi leh sa 22 telin, mi 60 chu tun hnaia state pawn lama zin chhuahna nei lo an ni bawk. Manipur-a hri kai hmuh tawh hi mi 5,132 ni tawhin, an zinga 3,455 chu an dam tawh a, hri kai enkawl mek mi 1,655 an la awm.