Arunachal zirlai chaw nghei BJP-in a thlawp

Arunachal Pradesh Public Service Commission Combined Examination, 2014 (APPSCCE) kalpui dana a lung­awi loh avanga darkar 72 chhung chaw ngheia nuar, Ujum Perying chu state BJP unit chuan an thlawp thu an tarlang.

APPSC combined exam-ah hi nikum 24 khan neih a ni a, hetah hian question paper a putru nia sawi a ni.

BJP unit thupuangtu RK Khrimey chuan sorkar laka an lungawi lohna a muanawm zawnga lantirtu, Perying leh a thlawpute hmalakna chu BJP-in a thlawp tih a sawi.

APPSC combined exam question paper putru chhui chiang tura state sorkarin Special Investigation Team (SIT) a ruat chungchangah state BJP hruaitu Khrimey chuan thu dik chhuichianna chu thil dang a ni a, mahse APPSC chuan zirlaite hma lam hun a tihchhiatsak loh nan thutlukna a siam thuai a ṭul a ni, a ti.