Myanmar palaite'n Manipur an tlawh

Myanmar sorkar official te chuan Imphal leh Mandalay inkara bus service tur chungchangah India team nen joint survey neih tumin, Pathianni khan Imphal an thleng.

India official chuan Myanmar palaite hi engineer pali an nih thu sawiin, India team nen bus service tur kalkawng an endik tur thu a sawi. Joint survey-a India team aiawh turin Ministry of External Affairs leh Ministry of Road Transport & Highways aṭangin official ruat an ni.

Joint survey team hian nimin khan Myanmar ram lama Kalewa khua tlawhin, Kalewa leh Mandalay inkar kawngpui an enfiah nghal a, Pale-Gangao kaltlanga Mandalay leh Kalemyo inkar kawng pawh an enfiah nghal bawk ang. India team te hi January 15 hian Imphal-ah an lo let leh ang.

India leh Myanmar chuan ramri kolometre 1,640-a thui inṭawmin, ram pahnihte inlaichinna tihngheh nan Manipur khawpui, Imphal leh Mandalay, Myanmar thlunzawm nan bus service tir an tum a ni.