Itanagar ‘Model City'-ah siam tum

Aruanachal Pradesh Chief Minister Kalikho Pul chuan Zirtawpni khan, an state khawpui Itanagar-ah public park siamna tur lungphum a phum a, Itanagar chu ‘Model City'-ah siam a nih tur thu a sawi.

Pul hian an state khawpuia Indira Gandhi Park siamna tur lungphum a phum a, MLA Likha Saya, Passang Dorjee Sona leh Tage Taki te chuan an ṭawiawm a ni. Itanagar ‘model’-a siam tur hian tunlai thiamna leh hmanraw chi hrang hrang hmanga thuam a nih tur thu sawiin, recreation centre pawh din a nih tur thu a sawi a ni. Heng bakah hian khualzin leh he lai hmun tlawhtute tan Japanese-style garden, Mughal- stylized garden leh night garden te din a ni ang a ti. Ruahman dan chuan park-ah te hian indoor stadium changtlung tak sak a ni ang a, a tlawhtute tan tui in tur hnianghnar tak siam a ni dawn bawk a ni.