Tripura HC-in DA pe chhuak turin state sorkar hriattir

Tripura High Court chuan Inrinni khan State sorkar chu sorkar hnathawk Dearness Allowance (DA) 31% pe chhuak turin hriattirna a chhuah.

Tripura Government Employees Federation Secretary General Shishrendra Saha chuan thubuai ziak lutin, Court chuan thubuai hi a ngaihtuah a, Justice Subhashis Talapatra chuan state sorkar chu July thla ral hma ngeia DA pe chhuak tur hian hriattirna hi a chhuah a ni. Secretary General Shishrendra Saha chuan DA hi Central government employee te nena inzata lak chu an dikna a nih thu a sawi a, hetih lai hian state sorkar chuan Central government employee leh state government employee te hi DA inang pek theih an ni lo a ti ve thung.