Sorkar laipuiin hmarchhakah FTII din dawn

Union Minister of State for Information and Broadcasting Rajyavardhan Singh Rathore chuan hmarchhak bialah Film and Television Institute of Technology (FTII) din a nih tur thu a sawi a, mahse a hmun tur erawh tihfel a la ni lo, a ti.

Union Minister chuan All India Radio (AIR) chu darh zau ber a nih avangin thingtlang hmunah community radio chu changtlung zawka kalpui a nih tur thu a sawi a, hemi tihpuitlinna atan sorkar laipui chuan sum leh tha a thawh tur thu a sawi bawk.

Information and Broadcasting minister Rathore chuan chanchin thehdarhna atan social media pawimawh thu sawiin, state tina Press Information Bureau (PIB) chu technology changkang zawka thuam an nih tur thu a sawi.

Sorkar policy leh schemes te puahdarhna atan leh mipuite'n awlsam zawka internet kaltlanga hamṭhatna an bawhzui theih nan e-book siam a nih tur thu leh sorkar laipuia ministry tinte'n social media kaltlangin an hmalaknate an tarlan tur thu a sawi bawk.

Rathore chuan television channel pathum- Arun Prabha, Asmi leh MAMINA (Manipur, Mizo­ram, Nagaland, Assam) siam a nih tur thu sawiin, MAMINA prog­ramme chu tualchhung ṭawng­a tihchhuah a nih tur thu a sawi bawk a, MAMINA hmunpui chu Mizorama dah a nih tur thu a sawi bawk.