Manipur : Dan bawhchhia mi 98 man an ni tawh

Manipur-a dan kenkawh a nih theih nan security force-te chuan state chhungah nakas/checkpoint 125 an siam a, dan bawhchhia mi 98 man an ni tawh tih an tarlang. Manipur chhunga district hrang hrangah checkpoint hi siam niin Imphal phairuam leh tribal tamna tlang ramahte pawh siam a ni tih an sawi.

Manipur-a veng­himtuten hetianga hmalakna an neih chhan hi mipuite him nan leh dan kenkawh a nih theih nana ti an ni a, thuneitute tarlan danin state chhung hmun hrang hrang aṭanga an man tawh zat hi 98 an tling tawh a ni. Venhim hna thawktute hian checkpoint siam bakah hian ralthuam dap hna leh hmun ven uluk lai bikte an nei bawk. Hei hian dan bawhchhiatna a tihtlem bakah tharum thawhna thleng ṭhin a tihziaawm an beisei a ni.

State tana chakkhai phurh luhna kawng, National Highway-2 a venhimna pawh tihkhauh niin, nitin mamawh phurh luh kawngah harsatna an tawh loh nan security force-te chuan hma an la reng a ni. NH-2 kawngpui ralmuang lo laiah chuan lirtheite chu convoy in a kalpui ṭhin bawk.