CBI-in chit fund company hotu man

Central Bureau of Investigation (CBI) chuan Nilaini khan Tripura-ah chit fund company-a sum peipungte sum dah chingpen kaihhnawihah company hotu an man.

CBI thuchhuak chuan sum chingpen leh inbumna kaihhnawihah Cosmic Negotiator Director Subhendu Deb Choudhary chu man a nih thu a tarlang.

CBI official chuan chit fund company, Cosmic Negotiator hi Kolkata-a hmunpui nei a ni, a ti a, sum peipun tumte sum tam tham tak laksakin an bibo zui nghal a ni, a ti.

CBI official chuan he thubuai hi Tripura sorkarin an kuta a hlan thu a sawi bawk.

Chit fund scam chungchangah West Bengal-a Saradha group lakah FIR pali ziahluh a ni a, company official leh an thawhpuite chuan sum peipun tumte sum cheng vaibelchhe eng emaw zat an tih­chingpensak a ni.

Odisha-ah pawh hetianga sum tih­chingpen kaihhawihah hian FIR 44 ziahluh a ni bawk.

Chit fund scam thubuai hi Supreme Court thuchhuak tlawhchhana ziahluh a ni a, mahse SC hian Cosmic Negotiator Director Choudhary lakah erawh thuchhuak a nei lo thung.