Meghalaya tribal hotute'n National Commission hmuh an tum

Tun hnaia Meghalaya High Court-in tribal hotute hnena sorkar rorelnaa inrawlh lo tura hriattirna a pek chung­changah tribal khaw hotute chuan National Commission for Scheduled Tribes hmuh an tum thu an tarlang.

Grand Council of Chiefs of Meghalaya chairman John F Kharshiing chuan, "Meghalaya High Court-a Justice S R Sen awmna bench-in tribal hotute rorel khapna thupek a tihchuah chungchangah National Commission for Scheduled Tribes chu a ngaihdan min hrilh turin kan ngen a ni," a ti.

Justice S R Sen chuan December 10-a High Court thupek a tihchhuahah khua/veng hotute chu India danpui tlawhchhana thuneihna pek an ni lo a, chu vangin birth/death certificate emaw lehkha pawimawh dangte lak dawnin no objection certificate (NOC) pe­chhuak thei an ni lo tih a sawi.