APWWS-in women panel din an phût

Arunachal Pradesh Women’s Welfare Society (APWWS) chuan state sorkar chu a rang lama Arunachal Pradesh State Commission for Women (APSCW) din thuai turin a phût.

APWWS chuan thu­chhuah a siamah he thu hi tarlangin Women Commission member hlui te'n thla thum kaltaa an hna an chawlhsan hnuah state sorkar chuan member thar a la ruat lo a ni, a ti.

APWWS president Gumri Ringu chuan Women Commission member, vice chairperson leh chairperson chu hmeichhe kaihhnawiha thila tawnhriat nei tawhte ruat tur an nih thu sawiin, Women Commission bakah Arunachal Pradesh State Commission for Child Rights pawh din thuai a duh thu a sawi.