Tripura hi Act East policy-ah India luhka a ni thei: Sitharaman

India-in Act East policy a taka a kalpui hunah Tripura chu a luhka a ni thei tih Union Commerce and Industry Minister Nirmala Sitharaman chuan a sawi.

Union Minister chuan, "Bangladesh nena inlaichhinna leh thawhhona kan neih danah te Tripura awmna hi a fuh a, sorkar laipuiin a takin Act East policy a kalpui hunah chuan Tripura hi India luhka a ni thei a ni," a ti.

Union Commerce Minister hian tun hnai khan Tripura-a India-Bangladesh ramri sumdawnna hmunpui, border haat a hawng a, hawnna inkhawmah thu sawiin, sorkar laipui chuan Tripura kaltlangin Bangladesh tihhmasawn a tum a ni, a ti a, Tripura-Bangladesh ramri, Feni luiah lei dawh a nih tur thu a sawi bawk.

Sitharaman chuan Asia chhim chhak ramte sumdawnpui turin India-in hmarchhak bial chu inngahna atana a hman thu a sawi bawk.