ASHA 4000 chuangin zenghri danna campaign an boycott

Meghalaya-a Accredited Social Health Activist (ASHA) inzawmkhawm pawl, Joint Action Committee of the ASHA Facilitators and ASHA Workers’ Union chuan zenghri danna campaign neih mek chu Thawhṭanni khan an boycott.

State sorkarin an thil phût a bawhzuisak loh avang­in ASHA te hian ni thum chhung nawrh an tum a, vawiin thlengin a awh ang.

Meghalaya-a ASHA te hian sorkar hnathawk pui­tlinga la turin state sorkar an phût bakah mahni chenna ina nau neite tana hman chi bungraw mamawh pek an phut a ni.

Ni thum nawrh an neih chhungin state sorkarin an thil phut a ngaihven lo a nih chuan Joint Action Committee of ASHA Facilitators and Workers Union president Haphilin Pyrtuh chuan nawrh chhunzawm zel an tum thu a tarlang a, zenghri danna campaign neih meka tel duh lo, ASHA te chu an hna aṭanga banah sorkarin a vau thu a tarlang bawk.

Pyrtuh chuan ASHA te chu state Health Minister-in tun thlaa meeting neihpui a tiam thu leh meeting neih a la nih loh thu a sawi bawk.