Sikkim sorkarin 10%-in ni khat hlawh tipung

Sikkim sorkar chuan kut hnathawka inhlawh ṭhinte ni khat hlawh chu 10%-in a tipung.

Hlawh a tipunah hian unskilled labour te ni khat hlawh cheng 200 chu 220-ah tihpun a ni a, semi skilled labour te hlawh 220 chu 242-ah, skilled labour hlawh 250 chu 275-a tihpun a nih bakah highly-skilled labour te hlawh 290 chu cheng 319-ah tihpun a ni bawk.

State labour department-in kar kaltaa hriattirna a tihchhuah­­ah hlawh bi thar hi nikum November thla aṭangin hman ṭan a ni a, kut hnathawka inhlawh ṭhinte hlawhbi hi kum 2013, April khan a lo tihpunsak tawh bawk.

Labour department thu­chhuak chuan hmun sang taka hnathawkte hlawh an tihpunsak thu a tarlang bawk a, ft 8,001 aṭanga ft 12,000 thlenga sanga hnathawkte hlawh chu 50%-a tam bik tur thu leh ft 12,001

aṭanga ft 16,000 thlenga sanga hnathawkte hlawh chu 75% a tam bik tur thu a tarlang bawk. Ft 16,001 leh a chung lam china hnathawkte hlawh chu hlawh pangngai let khata tam a nih tur thu a tarlang bawk.