BRO hotute'n Arunachal an tlawh

Border Roads Organisation (BRO) Director General Lt Gen RM Mittal leh hmar­chhak biala BRO hotu Maj Gen US Daddu te chuan Arunachal Pradesh an tlawh.

Arunachal-a ni nga cham tum BRO hotute hian kar kalta Inrinni Tawang tlawhin, Pathianni khan Tenga an tlawh nghal a, BRO hnuaia kawngpui sial hna thawh mekte an endik nghal.

BRO hotute hi Arunank Project chief engineer Brigadier H K Pokhariya chuan India-China ramri, Nacho-Tama-Chung leh Chung-Reddi-Taksing kawngpui sial mek chungchanga a lo hrilh ang a, heng project pahnihte hi kilometre 221 a thui, Daporijo-Taksing kawngpui project zing a mi a ni.

BRO hotute hian China ramria kawngpui sial mekte hi a hmunah an tlawh nghal ang.

State PWD Minister Gojen Gadi chuan BRO hotute'n Aruna­chal an tlawh chu lawmawm a tih thu sawiin, kawngpui sial project hrang hrang kalpui mek chung­changa Union Minister of State for Home Affairs Kiren Rijiju nen hmalakna tur an lo sawiho tawh te ziakin a la kawl ṭhat thu a sawi.