Sorkar laipuiin pipeline network tihchangtlun a tum

Sorkar laipui chuan hmarchhak biala pipeline network tihchangtlun tumin, Numaligarh leh Imphal inkar bakah Guwahti leh Silchar inkarah tuialhthei pekna tur pipeline siam a tum.

Union Ministry of Petroleum and Natural Gas chuan hmarchhak biala petroleum product supply a khaihlak loh nan pipeline network chu tihchangtlun an tum tih an tarlang.

Oil sector-a public sector undertakings te'n tunah hian hmarchhak bialah cheng vaibelchhe 2,763 hu project an kalpui mek a, heng project hi gas pipeline awmsa siamṭhatna te, oil pumping station siamṭhatna leh gas station thuamṭhatna project te an ni.

Hmarchhak biala oil leh gas laih­chhuah tihpun nan Petroleum and Natural Gas Ministry chuan a zawn leh laih­chhuah hna thawktu, private company te hnenah 40% subsidy a siamsak bawk a, hei hi oil zawn leh laihchhuah hna lian zawka kalpuina atana private company te hip nan ruahman a ni.

Ministry report chuan Tripura-a Palatana Power Project chu investment mala sum an thehchhuah tam ber a ni, a ti a, hemi atan hian cheng vaibelchhe 10,000 chuang a ruahmansak.

Palatana Power Project hi gas hmanga tihnun tur a ni a, unit hnih awmin, unit khatin power megawatt 363.3 a pe chhuak thei dawn a ni. Palatana Power Project hi khawvela Clean Development Mechanism (CDM) project lian berte zinga mi a ni