Arunachal engineeer 1,000 hna hmu dawn

Border Roads Orga­nisation (BRO) chuan Arunachal Pradesh-a project hrang hrang a thawh mekah Arunachal mi, engineer 1,000 tan hna a siamsak dawn.

Engineer 1,000 hi campus selection pro­cess-a lak an ni dawn a, Arunachal ṭhalai, engineering zir zo tawh, hna nei lote chu duhsak an ni ang.

BRO Director Ge­neral Lt Gen Rakesh Mohan Mittal chuan tun hnaia Chief Minister Na­bam Tuki a hmuh ṭum­in he thu hi a sawi.

Director General Mittal chuan BRO-in Arunachal-a project a kalpui te chu chak taka kalpui mek an ni, tih Chief Minister Tuki a hrilh a, hemi rual hian BRO official te himna leh mimal ram laksak chungchangah harsatna an tawh thu a hrilh bawk.