Sorkar laipuiin insawifiah turin NDFB a hriattir

Sorkar laipui chuan National Democratic Front of Bodoland (NDFB) chu dan pawna a hnawl loh tur chhan sawifiah turin show cause notice a pe.

Unlawful Activities (Prevention) Tribunal-a Justice S P Garg chuan NDFB chu hriattirna pein, January 9-a hriat­tirna tihchhuah a nih aṭanga ni 30 chhungin insawifiahna chu ziaka thehlut turin a hriattir.

Hriattirna chuan NDFB te chu February 26, 2015 hian Court No. 32, Delhi High Court-ah lawyer hruaia an hmaa inlan a phalsak bawk.

Sorkar laipui chuan nikum November 23-a hriattirna a tihchuahah Unlawful Activities (prevention) Act 1967 tlawhchhanin NDFB te chu dan pawmpui loh pawlah a puang.

Bodo hel pawl, NDFB hi nikum December 23-a Assam-a mi 80 tualthihnaa mawhphurhtu an ni.