Nagaland Governor-in hel a ngaimawh

Nagaland Governor PB Acharya chuan Nagaland-a helte chu a ngaihmawh thu sawiin, hmasawnna daltu an ni, a ti.

Inspector General of Assam Rifles (North)-in ‘Nagaland: A Way Forward’ thupui hmanga seminar a buatsaih chu hawngin Govenor chuan thuchah a sawi a, Nagaland political issue leh hmarchhak bial hel pawlte vanga harsatna thleng chu central-a sorkar chak takin chinfel a duh a ni, a ti.

Governor Acharya chuan sorkar laipuiin Naga hel, NSCN pawl thum chu inkahhai thuthlung a neihpui mek thu sawiin, hel pawl an tam lutuk vangin buaina chinfel harsa a tih thu a sawi. Naga political issue chinfel nan mi zawng zawng chu ṭangrual turin a sawm nghal.

State hmasawnna thilah Govenor chuan Nagaland-in '3 E' an mamawh thu a sawi a, chungte chu- Education, Electricity leh Employment a ni.

Governor chuan Nagaland-in school 100 chuang leh university pathum nei mahse zirlai tam takin state pawnah zirna an chhunzawm thu a sawi.

Acharya chuan Nagaland-a zirtirtu 38% chu aikal an nih vangin zirnain a tawrh phah thu a sawi bawk a, hei hi zirlai tam takin state pawna zirna an chhunzawm chhan pakhat a ni, a ti.