HYCPA-in pawisawilote khawih lo turin a ngen

Hindu Yuba Chattra Paris­had, Asom (HYCPA) chuan National Democratic Front of Bodoland (NDFB-Song­bijit ) hel pawlte laka beih­pui thlak mek, security force te chu Bodo mi pawisawilote khawih lo turin an ngen.

Security Force te chuan Assam-a, Sonitpur, Chirang, Udalguri leh Kokrajhar district-a tun hnaia pawikhawihna nasa tak thlentu, NDFB (S) helte lakah ‘Operation all-out’ an nei mek a, he operation hming chhalin sucurity force te chuan pawisawilote pawh an khawih tel nia sawi a ni.

HYCPA chuan North Kamrup-a nawrh huaihawt a nih ṭuma security force leh para-military force te'n Bodo mi pawisawi lo te kut an thlak ṭhin chu tarlangin security force te chu pawisawi lote laka nunrawnna lantir lo turin an ngen a, security force te chu force hming tichhe lo tur leh sorkar laka helna tihluar lo turin an ngen.