Gogoi-a'n Assam-a zirna tichangtlun a tum

Assam Chief Minister Tarun Gogoi chuan Assam-a zirna dinhmun siamṭhat tumin, district leh block education official te chu zirna ṭha nei tura hmala turin a hriattir.

‘Educational Planning and Administration for District and Block Education Officers of Assam’ tih thupui hmanga ni hnih awh conference neih tur hawngin Gogoi chuan zirna ṭha a awm theihna atan theihtawp chhuah turin officer te a ngen.

"Lehkha zir tura inziaklut tam ringawt a ni lo a, zirna ṭha a awm theih nana beih a pawimawh a ni. Naupangte chu kan rohlu an nih angin, a enkawl chu kan mawhphurhna a ni. State hmalam hun chu zirlai leh nangmahni chuangah a innghat," tiin Gogoi chuan education department-a official te hmaah a sawi.

Gogoi chuan official hna thawk ṭha lote chu endik an nih tur thu sawiin, an hnathawh mila grade pek an nih tur thu a sawi a, a kaihhruai sorkar chuan National University of Educational Planning and Administration zulzuiin zirtirtute training neihna tur, institution hawn a tum thu a sawi.