Arunachal-in sorkar laipui hnenah vbch 26.07 a dil

Arunachal Pradesh chuan state chhunga mihring chenna hmun hrang hrang, hmun 1340-a mipuite in tur tui pekna atan sorkar laipui hnenah vaibelchhe 926.07 a dil.

State PHE Minister Takam Pario chuan dilna hi sorkar laipuiah a thlen a, thingtlang hmun hrang hranga tui thianghlim in tur thlen lohna hmuna tui pek nan sorkar laipui ṭanpuina a ngen a ni.

Union Ministry of Drinking Water & Sanitation-in kar kalta Ningania Delhi-a National Review/Discussion on National Rural Drinking Water Programme (NRDWP) leh Swachh Bharat Mission-Gramin (SBM-G) a huaihawtah PHE minister Pario hi telin, rawtna an thlen chu a hlawhtlin chuan state sorkar hmathlir tihpui­tlinna a ni ang, a ti.

Minister Pario chuan fund pek danah state tina bungrua man, hnathawktu chhawr man leh bungraw phurh man danglam chu sor­kar laipuiin ngaihtuah tel ṭhin se a duh thu a sawi bawk.

Arunachal vur tlakna hmuna hmasawnna hnathawhna atan fund pek danah Desert Area Development plan zulzuiin ṭanpuina sum pek a phut thu a tarlang bawk.